கமாடிட்டி முன்பேர வர்த்தக சந்தையில் 2012 -ல் அதிக வருவாயை வழங்கிய வேளாண் பொருட்கள்

2012ம் ஆண்டில், நாட்டின் கமாடிட்டி முன்பேர சந்தைகளில், தொழில் துறை சார்ந்த உலோகங்களை காட்டிலும் வேளாண் பொருட்கள் முதலீட்டாளர்களுக்கு வருவாயை வாரி வழங்கியுள்ளன.கடந்த 2012ம் ஆண்டில், சர்வதேச பொருளாதார சுணக்க நிலையால், தொழில் துறை சார்ந்த அலுமினியம், தாமிரம் போன்ற பொருட்களுக்கான தேவை குறைந்திருந்தது. இதனால், இவற்றின் விலையும் மிகப் பெரிய அளவில் அதிகரிக்காமல் இருந்தது.

போர்ட்ஃபோலியோ மேனேஜ்மென்ட் -அணுகுமுறை

முதலீடுகள்  வளர ஒவ்வொருவருக்கும்  ஒரு முறையான போர்ட்ஃபோலியோ அணுகுமுறை தேவை.அவரவர்களின் வயதிற்கேற்றமுதலீட்டு போர்ட்ஃபோலியோவை அமைத்து  கொள்வதே சிறந்த வழி  ஆகும்.இன்றைய காலகட்டத்தில் முதலீடு செய்யக்கூடிய சொத்து வகைகள்நான்கு:

1. பங்கு சார்ந்த முதலீடுகள்.

2. கடன் சார்ந்தமுதலீடுகள்.

3. ரியல் எஸ்டேட்.

4. தங்கம்/வெள்ளி

போர்ட்ஃபோலியோ மேனேஜ்மென்ட்

முதலீட்டில், போர்ட்ஃபோலியோ என்பது  பலவிதமான முதலீட்டு உபகரணங்களை உள்ளடக்கிய ஒரு முதலீட்டு  கலவை ஆகும். பொதுவாக முதலீட்டு போர்ட்ஃபோலிகளில் பங்குகளில் முதலீடு,ரியல் எஸ்டேட், தங்கம்/வெள்ளி,பங்கு சார்ந்த முதலீடு, கடன் பத்திரங்கள்,டெபாசிட்டுகள் என பலவிதமான முதலீடுகள் அடங்கியது ஆகும்.இந்த போர்ட்போலியோகள் ஒவ்வொருக்கும் அவரவர் முதலீட்டின் படி மாறுபடும்.ஒரு சிறந்த / பாதுகாப்பான முதலீட்டி ற்கு  போர்ட்ஃபோலியோவில் உள்ள  அனைத்து முதலீட்டு உபகரணங்களும் சரியான விகிதத்தில் இருக்க வேண்டும்.இதுவே நிதி திட்டமிடலின் முக்கிய  நோக்கம்.நிதி திட்டமிடல்(Financial Planning) கொள்கைகளின் படி போர்ட்ஃபோலியோவில் உள்ள முதலீட்டு உபகரணங்கள் அவரவர் வயதிற்கேற்ற சதவிகிதத்தில் சரியான விகிதத்தில் இருப்பதே சிறந்த போர்ட்ஃபோலியோ  மேனேஜ்மென்ட் ஆகும்.

கோல்ட் ETF களில் முதலீட்டின் நிகர சொத்து மதிப்பு ரூ.12000 கோடியை நெருங்குகிறது

பரஸ்பர நிதிகளின் கூட்டணி அமைப்பு AMFI(Association of Mutual Funds of  India) நவம்பர் 30 தேதி வரை மியுச்சுவல் பண்ட் களில் முதலீடு செய்யபட்டுள்ள முதலீட்டின் சொத்து மதிப்பை வெளிட்டுள்ளது.

 அதன் படி கோல்ட்  ETF களில் நவம்பர் 30 தேதி வரை செய்யபட்டுள்ள முதலீடுகளின் நிகர சொத்து மதிப்பு ரூ.11,918 கோடி மதிப்பீடு செய்துள்ளது. இந்த  அதிகபட்ச சொத்து மதிப்பிற்கு காரணம் தங்கத்தின் விலை ஏற்றமும்,முதலீட்டாளர்களின் தொடரும் முதலீட்டின் தேவை அதிகரிப்புமே ஆகும்.

முதலீடு - பணவீக்கம் மற்றும் வட்டிவிகிதம்

முதலீடு

சேமிப்பு என்பது உபரியாக உள்ள பணத்தை சேர்த்துவைப்பதாகும்.அவ்வாறு சேமிக்கும் பணத்தை வருமானம் தரக்கூடிய  முறையில் மாற்றுவதே முதலீடு ஆகும்.முதலீடு வருமானம் ஈட்டுவதுடன் எதிர்காலத்தில் லாபம் தரக்கூடியவகையிலும் இருக்க வேண்டும்.

பணவீக்கம்  மற்றும் வட்டிவிகிதம் இவ்விரண்டும் முதலீடு செய்யும் முன் கவனிக்க வேண்டியவையாகும்,ஏனனில்  முதலீட்டின்  வருவாயில் அதிக விளைவை ஏற்படுத்தும் காரணிகள் இவையே ஆகும்.

இந்தியா-- உலகின் டாப் 25 ஏற்றுமதி நாடுகளில் ஒன்று

இந்தியா உலகின் டாப் 25 ஏற்றுமதி நாடுகளில் ஒன்றாக உள்ளது என உலக வர்த்தக நிறுவனத்தின் தலைவர் பாஸ்கல் லாமி தெரிவித்துள்ளார்.டாப் 25 ஏற்றுமதி நாடுகளில் பிரேசில்,மெக்ஸிகோ  மற்றும் மலேசியா நாடுகளும் இடம் பெற்று உள்ளன.

அன்னிய நேரடி முதலீடு ஜூலையில் 60% உயர்வு

 நாட்டின், அன்னிய நேரடி முதலீடு, 1.76  பில்லியன் டாலராக அதிகரித்துள்ளதாக  மத்திய வர்த்தகம் மற்றும் தொழில் அமைச்சகம் தெரிவித்துள்ளது.தொடர்ந்து  மூன்று மாதங்கள் ஆக சரிந்து வந்த  அன்னிய நேரடி முதலீடு ஜூலை மாதத்தில் 1.76 பில்லியன் டாலராக  உயர்ந்து உள்ளது,இது 2011 ஜூலை மாதத்தில் வந்த முதலீட்டை விட 60% அதிகம் ஆகும்.

இந்தியாவின் வளர்ச்சி: 'எஸ் அண்டு பி' மதிப்பீடு

உலகின் முன்னணி தர குறியீட்டு நிறுவனமான, 'எஸ் அண்டு பி' இந்தியாவின் வளர்ச்சி இந்த  நிதியாண்டில் 5.5 சதவீதமாக குறையும் என மறுமதிப்பீடு செய்துள்ளது. இந்த  நிறுவனம் இந்தியாவின் வளர்ச்சி,முந்தைய மதிப்பிட்டில் 6.3 சதவீதமாக இருக்கும் என, மதிப்பிடப்பட்டிருந்தது. உலக பொருளாதார மந்தநிலை,பருவ மழை குறைவு,மற்றும்  உள்கட்டமைப்பு  வசதி  ஆகியவை குறைந்த   மறுமதிப்பீட்டிற்கான காரணமாக குறிப்பிடபட்டு உள்ளது.

தங்கத்தின் விலையில் இறக்கம்

தங்கத்தின் விலை இன்று குறைந்துள்ளது.  பண்டகமுன்பேர வர்த்தக சந்தையில் 10 கிராம் தங்கத்தின் விலை குறைந்தபட்ச விலை  ரூ .31272  என  வர்த்தகமானது .இது முந்தையை நாள் விலையில் இருந்து ரூ 234 குறைவாகும்.தங்கம்  விலை  உலகளவில் குறைந்ததும் & ரூபாயின் மதிப்பு  அமெரிக்க டாலருக்கு நிகராக அதிகரித்தும் குறைவுக்கு காரணமாகும்.

தொடர் சரிவில் இந்திய ரூபாய்: ரூ.57-ஐ நெருங்குகிறது

அமெரிக்க டாலரின் மதிப்பு தொடர்ந்து சரிந்து வருகிறது. வர்த்தக நேர ‌தொடக்கத்தின் போது, அமெரிக்க டாலருக்கு நிகரான இந்திய ரூபாயின் மதிப்பு 25 பைசா குறைந்து 56.40ஆக இருந்தது. இந்த நிலையில் மதியத்திற்கு பிறகு மேலும் குறைந்து 56.52ஆக இருந்தது. தொடர்ந்து இந்திய ரூபாயின் மதிப்பு சரிந்து வருவது பங்கு முதலீட்டாளர்களிடையே கலக்கத்தை ஏற்படுத்தியுள்ளது.

Source:Dinamalar

நாட்டின் முன்பேர சந்தைகளில் வர்த்தகம் ரூ.181 லட்சம் கோடி

நாட்டில் உள்ள, 21 முன்பேர சந்தைகளில், சென்ற 2011-12ம் நிதியாண்டில், 181.26 லட்சம் கோடி ரூபாய் மதிப்பிற்கு வர்த்தகம் நடைபெற்றுள்ளது. இது, இதற்கு முந்தைய 2010-11ம் நிதியாண்டில், மேற்கொள்ளப்பட்ட வர்த்தகத்தை விட, 52% (119.48 லட்சம் கோடி ரூபாய்) அதிகம் என, பார்வர்டு மார்க்கெட்ஸ் கமிஷன் (எப்.எம்.சி.) வெளியிட்டு புள்ளி விவரத்தில் தெரிவிக்கப்பட்டுள்ளது. முன்பேர சந்தையின் மொத்த வியாபாரத்தில், தங்கம் மற்றும் வெள்ளி மீதான வர்த்தகம், இதே நிதியாண்டுகளில், 85% அதிகரித்து, 54.93 லட்சம் கோடி ரூபாயிலிருந்து, 101.81 லட்சம் கோடி ரூபாயாக உயர்ந்துள்ளது. கொண்டை கடலை, கொத்தவரை, புதினா உள்ளிட்ட வேளாண் விளைபொருட்கள் மீதான வர்த்தகம், 51% உயர்ந்து, 14.56 லட்சம் கோடியிலிருந்து, 21.96 லட்சம் கோடி ரூபாயாக வளர்ச்சிகண்டுள்ளது. உலோகங்கள் மீதான வர்த்தகம், 8% வளர்ச்சிகண்டு, 26.87 லட்சம் கோடியிலிருந்து, 28.96 லட்சம் கோடி ரூபாயாக அதிகரித்துள்ளது. எரிசக்தி மீதான வர்த்தகம், 23% அதிகரித்து, 23.10 லட்சம் கோடியிலிருந்து, 28.51 லட்சம் கோடி ரூபாயாக உயர்ந்துள்ளது என, எப்.எம்.சி. அமைப்பு மேலும் தெரிவித்துள்ளது.

Source:indiafinancebazaar

உற்பத்தி குறைவால் ஏலக்காய் விலை விர்...

சர்வதேச சந்தையில், இந்திய ஏலக்காய்க்கு மவுசு அதிகரித்துள்ள நிலையில், திருமண சீசன் காரணமாக, உள்நாட்டிலும் இதற்கான தேவை அதிகரித்து, விலையும் உயர்ந்துள்ளது. மார்க்கெட்டில் ஏலக்காய்க்கு தட்டுப்பாடு நிலவுவதால், செவ்வாயன்று கிலோவுக்கு, 300 ரூபாய் அதிகரித்து, 1,200 ரூபாய்க்கு விற்பனை செய்யப்பட்டது.
ஏலக்காய் உற்பத்தியில், கேரள மாநிலம் முதல் இடத்தில் உள்ளது. அதைத் தொடர்ந்து, தமிழகத்தில் தேனி மாவட்டத்தில், அதிக அளவில் ஏலக்காய் விளைகிறது. தமிழகத்தில் ஏலக்காய் விளைந்தாலும், கேரளா ஏலக்காய்க்கு வெளிநாடுகளில் நல்ல வரவேற்பு உள்ளது. இந்நிலையில், கேரள மாநிலத்தில் ஏலக்காய் உற்பத்தியில் திடீர் சரிவு ஏற்பட்டுள்ளது. கடந்த ஆண்டுடன் ஒப்பிடுகையில் நடப்பாண்டில் ஏலக்காய் உற்பத்தி எதிர்பார்த்த அளவு இல்லை. இதனால், இந்தியாவில் ஏலக்காய்க்கு கடும் கிராக்கி ஏற்பட்டுள்ளது.
அதே நேரத்தில், தற்போது திருமண சீசன் என்பதால், ஏலக்காய்க்கு உள்நாட்டிலும் தேவை அதிகரித்துள்ளது. தேவை உயர்ந்து, உற்பத்தி சரிவடைந்துள்ளதால் ஏலக்காய் விலை அதிகரித்துள்ளது.ஏலக்காயின் ஏற்றுமதி உயர்ந்துள்ளதால், ஆன்-லைன் வர்த்தகத்தில், அதன் விலை கிடுகிடுவென உயர்ந்துள்ளது. வெளிமார்க்கெட்டில் முதல் தர ஏலக்காய், கிலோவுக்கு, 300 ரூபாய் வரை அதிகரித்துள்ளது.

கடந்த வாரம் வரை கிலோ, 900 ரூபாய்க்கு விற்ற முதல் தர ஏலக்காய், 300 ரூபாய் அதிகரித்து, கிலோ, 1,200 ரூபாய்க்கு விற்பனையாகிறது. இரண்டாம் தர ஏலக்காய் கிலோ, 700 ரூபாய்க்கு விற்றது, 1,000 ரூபாயாகவும், மூன்றாம் தர ஏலக்காய் கிலோ, 550 ரூபாய்க்கு விற்றது, 850 ரூபாயாகவும் உயர்ந்துள்ளது.ஏலக்காய்க்கு மார்க்கெட்டில் தட்டுப்பாடு நிலவுவதால், பெரிய வியாபாரிகள் விற்பனையை தற்காலிகமாக நிறுத்தி வைத்துள்ளனர். இதன் காரணமாக, ஏலக்காய் விலையில், மேலும் உயர்வு ஏற்படும் என தெரிகிறது.


Source:தினமலர்

அன்னியச் செலாவணி கையிருப்பு ரூ.14.75 லட்சம் கோடியாக குறைவு

நாட்டின் அன்னியச் செலாவணி கையிருப்பு, சென்ற மார்ச் 2ம் தேதியுடன் நிறைவடைந்த வாரத்தில், 5.90 கோடி டாலர் (295 கோடி ரூபாய்) குறைந்து, 29 ஆயிரத்து 499 கோடி டாலராக (14 லட்சத்து 74 ஆயிரத்து 950 கோடி ரூபாய்) குறைந்துள்ளது என, ரிசர்வ் வங்கி வெளியிட்ட புள்ளி விவரத்தில் தெரிவிக்கப்பட்டுள்ளது.இது, இதற்கு முந்தைய வாரத்தில், 161 கோடி டாலர் (8,050 கோடி ரூபாய்) உயர்ந்து, 29 ஆயிரத்து 505 கோடி டாலராக (14 லட்சத்து 75 ஆயிரத்து 250 கோடி ரூபாய்) அதிகரித்திருந்தது.
சென்ற 2011ம் ஆண்டின் மார்ச் இறுதியில், நாட்டின் அன்னியச் செலாவணி கையிருப்பு, 30 ஆயிரம் கோடி டாலரைத் தாண்டி, அதாவது, 30 ஆயிரத்து 480 கோடி டாலராக இருந்தது. இது, சென்ற ஆகஸ்ட்டில், 32 ஆயிரத்து 200 கோடி டாலராக அதிகரித்தது. ஆனால், இது செப்டம்பரில், 31 ஆயிரத்து 150 கோடி டாலராக குறைந்து போனது.
கடந்த 2011ம் ஆண்டில், சர்வதேச அளவில் நிலவிய பொருளாதார நெருக்கடியால், நாட்டின் பங்கு வர்த்தகத்தில் சுணக்க நிலை காணப்பட்டது. இதனால், பல அன்னிய நிதி நிறுவனங்கள், இந்திய பங்குச் சந்தையில் முதலீடு செய்வதை தவிர்த்தன.மேலும், அமெரிக்க டாலருக்கு எதிரான, யூரோ உள்ளிட்ட இதர நாட்டு செலாவணிகளின் வெளிமதிப்பு மாறுபட்டதையடுத்து, கையிருப்பில் உள்ள அன்னியச் செலாவணி மதிப்பு குறைந்துள்ளதாக, ரிசர்வ் வங்கி வெளியிட்டுள்ள புள்ளி விவரத்தில் தெரிவிக்கப்பட்டுள்ளது.


Source:தினமலர்

பங்குச்சந்தையில் நுழைகிறது ஃபேஸ்புக்!

அசுர வளர்ச்சி கண்டுள்ள ஃபேஸ்புக் சமூக வலைதளம் பங்குச் சந்தையில் நுழைய முடிவுசெய்துள்ளது.

தனது பங்குகளை விற்பதன் மூலம் இன்னும் 5 பில்லியன் டாலர்களை ஈட்ட முடிவுசெய்துள்ளது. கூகுள் நிறுவனத்திற்குப் பிறகு பங்குச் சந்தையில் நுழையும் இரண்டவாது பெரிய தொழில்நுட்ப நிறுவனம் இதுவாகும்.

ஃபேஸ்புக்கின் மொத்த சொத்து மதிப்பில் சிறிதளவே முதலீட்டாளர்களுக்கு விற்கப்படுகின்றது.

அதே சமயம் அதன் பங்குகள் விலை அறிவிக்கப்படவில்லை. சொத்துமதிப்பு 75 முதல் 100 பில்லியன் டாலர் வரை இருக்கும் என சொல்லப்படுகிறது.

ஆண்டு வருமானம் 3.7 பில்லியன் டாலர்கள்.இதில் லாபம் மட்டும் 1 பில்லியன் டாலர் (100 கோடி டாலர்).

8 ஆண்டுகளுக்கு முன் 27 வயது மாணவரால் உருவாக்கப்பட்ட ஃபேஸ்புக்கை, மாதத்திற்கு 85 கோடி பேர் பயன்படுத்துவது குறிப்பிடத்தக்கது.

பொருளாதார வளர்ச்சி 7.5% ஆக இருக்கும்: மன்மோகன் சிங்

நடப்பு நிதியாண்டில் நாட்டின் பொருளாதார வளர்ச்சி 7 முதல் 7.5 சதவீதத்துக்குள் இருக்கும் என பிரதமர் மன்மோகன்சிங் நம்பிக்கை தெரிவித்துள்ளார். கடந்த ஆண்டு பிப்ரவரியில் தாக்கல் செய்யப்பட்ட நடப்பு 2011&12 நிதியாண்டுக்கான மத்திய பட்ஜெட்டில், 9% பொருளாதார வளர்ச்சி எட்டப்படும் என அறிவிக்கப்பட்டது. ஆனால், பணவீக்கத்தைக் கட்டுப்படுத்துவதற்காக தொடர்ந்து 13 முறை கடன் வட்டி உயர்த்தப்பட்டதால் பொருளாதார வளர்ச்சி தடைபட்டது. ஐரோப்பிய நிதிநெருக்கடியும் பொருளாதார வளர்ச்சி சரிவதற்கு காரணமாக அமைந்தன. இதையடுத்து, திட்டமிட்டபடி 9% வளர்ச்சியை எட்ட முடியாது என ரிசர்வ் வங்கி கூறியது. இதுகுறித்து பிரதமர் மன்மோகன்சிங் கூறுகையில், 2008 ல் சர்வதேச நிதிநெருக்கடியிலிருந்து விரைவாக மீண்ட நமது பொருளாதாரம், 2010&11 நிதியாண்டில் 8.4% வளர்ச்சி அடைந்தது. இது உலக நாடுகளுடன் ஒப்பிடும்போது சிறப்பான வளர்ச்சி ஆகும். எனினும், பணவீக்கம் காரணமாக வட்டியை உயர்த்தியது நடப்பு நிதியாண்டில் எதிர்பார்த்த 9 சதவீத வளர்ச்சியை எட்ட முடியாது. எனினும், வளர்ச்சி 7 முதல் 7.5 சதவீதத்துக்குள் இருக்கும் என்றார்.

தங்கம் & வெள்ளி இறக்குமதி வரி உயர்வு

தங்கம் மற்றும் வெள்ளி மீதான இறக்குமதி வரியை மத்திய அரசு உயர்த்தியது .தங்கத்தின் மீதான வரியில் 2%  உயர்வும் ,வெள்ளி மீதான வரியில் 6 %  உயர்த்தியது..தங்கம் மீதான ஏற்றுமதி வரி 10 கிராம்க்கு Rs.540 எனவும் வெள்ளி மீதான வரி கிலோவுக்கு Rs.3120 எனவும் உயர்த்தப்பட்டு உள்ளது.

இதன் விளைவாக இன்று முன்பேர வர்த்தகத்தில் 10 கிராம் தங்கம் விலை அதிகபட்சமாக 27778 என வர்த்தகமானது. வெள்ளி 1 கிலோ விலை அதிகபட்சமாக 53874 என வர்த்தகமானது.

கச்சா எண்ணெய் விலை உயர்வு

ஈரானில் நிலவும் பதற்றமான சூழ்நிலை காரணமாக சர்வதேச சந்தையில் கச்சா எண்ணெய் விலை பேரல் ஒன்றிற்கு 102.81 டாலராக விற்பனையாகிறது. புத்தாண்டை முன்னிட்டு சர்வதேச சந்தைகளுக்கு திங்கள்கிழமை விடுமுறை விடப்பட்டது. செவ்வாய்க்கிழமை நியூயார்க் சந்தையில் முன்பேர வர்த்தகத்தில் கச்சா எண்ணெய் விலை பீப்பாய்க்கு 110.08 டாலராக உயர்ந்தது. திங்கள்கிழமை ஈரான் தரையிலிருந்து தரை இலக்கைத் தாக்கும் ஏவுகணை சோதனை நடத்தியது. கடற்படை ஒத்திகையின் ஒரு அங்கமாக இது நிகழ்த்தப்பட்டபோதிலும், மற்ற நாடுகளிடையே பதற்றமான சூழலை ஏற்படுத்தியது. மேலும் கடற்பகுதியில் ஐரோப்பிய நாடுகளுக்குச் செல்லும் எண்ணெய்க் கப்பல்களை தடுத்து நிறுத்தப் போவதாக ஈரான் சமீபத்தில் அறிவித்ததால், கச்சா எண்ணெய் விலை சற்று உயர்ந்தது.

2011ம் ஆண்டில் தங்க முதலீட்டில் 34% லாபம்

சர்வதேச நிதிநெருக்கடி, பணவீக்கம் உயர்வு உள்ளிட்ட பிரச்னைக்கு இடையிலும், இந்த ஆண்டில் தங்கம், வெள்ளி விலை வரலாறு காணாத அளவில் உயர்ந்து புதிய உச்சத்தை எட்டியுள்ளது. அதாவது, தங்கத்தின் மீதான முதலீட்டுக்கு 34 சதவீதமும், வெள்ளிக்கு 11 சதவீதமும் லாபம் கிடைத்துள்ளது.

இது வரை இல்லாத வகையில் இந்த ஆண்டில் தங்கம், வெள்ளி விலை வரலாறு காணாத வகையில் உயர்ந்து புதிய உச்சத்தை எட்டியது. அதாவது, கடந்த ஏப்ரல் 25ம் தேதி 1 கிலோ வெள்ளி விலை ரூ.75,020 என்ற அதிகபட்ச உயர்வை எட்டியது.

இதுபோல், சர்வதேச சந்தையில் 1 அவுன்ஸ் தங்கம், செப்டம்பர் 6ம் தேதி 1,923 டாலராகவும், இங்கு 24 காரட் 10 கிராம் தங்கம் விலை நவம்பர் 16ம் தேதி ரூ.29,390 ஆகவும் உயர்ந்து புதிய சாதனை படைத்தது.

எனினும், இப்போது சற்று விலை குறைந்துள்ளது. கடந்த 2010 டிசம்பர் 31ம் தேதி 24 காரட் 10 கிராம் தங்கம் விலை ரூ.20,585 ஆகவும், 1 கிலோ வெள்ளி விலை ரூ.47,030 ஆகவும் இருந்தது. அதாவது கடந்த ஓராண்டுக்கு முன்பு தங்கத்தில் முதலீடு செய்திருந்தால் 34 சதவீத லாபமும், வெள்ளியில் முதலீடு செய்திருந்தால் 11 சதவீத லாபமும் கிடைத்திருக்கும்.

இந்த ஆண்டின் தொடக்கத்தில், துனிசியா, லிபியா, ஏமன், சிரியா உள்ளிட்ட மத்திய கிழக்கு நாடுகளில் சர்வாதிகார அரசுக்கு எதிரான போராட்டம் வெடித்ததால் கச்சா எண்ணெய் உயர்ந்தது, ஐரோப்பிய நாடுகளில் ஏற்பட்ட கடன் நெருக்கடியால் பங்குச் சந்தைகளில் ஏற்பட்ட சரிவு, நம் நாட்டில் பணவீக்க உயர்வை கட்டுப்படுத்த கடன் வட்டியை அதிகரித்ததால் ஏற்பட்ட வளர்ச்சி பாதிப்பு ஆகிய காரணங்களால் பாதுகாப்பு கருதி தங்கம், வெள்ளியில் முதலீடு அதிகரித்தது. இதனால், இதன் லாபமும் அதிகரித்துள்ளது என்பது குறிப்பிடத்தக்கது.

முன்பேர சந்தை விற்றுமுதல் ரூ.131 லட்சம் கோடி

நடப்பு நிதியாண்டின், டிசம்பர் 15ம் தேதி வரையிலுமாக, நாட்டின் முன்பேர வர்த்தகம் 130.57 லட்சம் கோடி ரூபாயாக வளர்ச்சி கண்டுள்ளது. இது, கடந்த ஆண்டின் இதே காலத்தில், 78.32 லட்சம் கோடி ரூபாயாக இருந்தது. ஆக, முன்பேர வர்த்தகம் 65% வளர்ச்சி கண்டுள்ளது. தங்கம் மற்றும் வெள்ளியின் மீது மேற்கொள்ளப்பட்ட வர்த்தகம் குறிப்பிடத்தக்க அளவிற்கு அதிகரித்துள்ளதே இதற்கு முக்கிய காரணம் என பார்வர்டு மார்கெட்ஸ் கமிஷன் (எப்.எம்.சி) தெரிவித்துள்ளது.

நாட்டில், தற்போது 23 முன்பேர வர்த்தக சந்தைகள் செயல்பட்டு வருகின்றன. இதில், தங்கம், வெள்ளி, கச்சா எண்ணெய், சோயா எண்ணெய், கொண்டைக் கடலை மற்றும் கொத்தவரங்காய் ஆகியவற்றின் மீது அதிகளவில் முன்பேர வர்த்தகம் மேற்கொள்ளப்பட்டுள்ளது. நடப்பு 2011-12ம் நிதியாண்டில், டிசம்பர் 15ம் தேதி வரையிலான காலத்தில், முன்பேர வர்த்தக சந்தைகளில், உலோகங்கள் மீது மேற்கொள்ளப்பட்ட வர்த்தகம் 2 மடங்கு அதிகரித்து, 77.08 லட்சம் கோடி ரூபாயாக வளர்ச்சி கண்டுள்ளது. இது, கடந்த நிதி ஆண்டின் இதே காலத்தில், 35.65 லட்சம் கோடி ரூபாயாக இருந்தது.

இதே காலத்தில், வேளாண் பொருட்கள் மீதான முன்பேர வர்த்தகம், 50 சதவீதம் அதிகரித்து, 9 லட்சம் கோடியிலிருந்து, 13.54 லட்சம் கோடி ரூபாயாக உயர்ந்துள்ளது. மேலும், எரிபொருட்கள் மீதான வர்த்தகம் 35.4 சதவீதம் வளர்ச்சி கண்டு, 15.19 லட்சம் கோடியிலிருந்து, 20.57 லட்சம் கோடி ரூபாயாக அதிகரித்துள்ளது.டிசம்பர் 1-15ம் தேதி வரையிலான காலத்தில், தேசிய அளவில் செயல்பட்டு வரும், மல்டி கமாடிட்டி எக்சேஞ்ச் (எம்.சி.எக்ஸ்.) முன்பேர சந்தையில், மிக அதிகபட்ச அளவாக, 7 லட்சத்து 6 ஆயிரத்து 289 கோடி ரூபாய்க்கு வர்த்தகம் நடைபெற்றுள்ளது.

இதையடுத்து, என்.சி.டீ.இ.எக்ஸ் (84 ஆயிரத்து 829 கோடி), ஐ.சி.இ.எக்ஸ் (11 ஆயிரத்து 884 கோடி), என்.எம்.சி.இ (11 ஆயிரத்து 777 கோடி), மற்றும் ஏ.சி.இ. (6,890 கோடி) ஆகிய முன்பேர சந்தைகள் இடம்பெற்றுள்ளன.தற்போது, நம் நாட்டில் தேசிய அளவில் 5 முன்பேர வர்த்தக சந்தைகளும், மண்டல அளவில், 18 முன்பேர வர்த்தக சந்தைகளும் செயல்பட்டு வருகின்றன.

Source:indiafinancebazaar

முதலீட்டு முறைகள்

முதலீடு


சேமிப்பு என்பது உபரியாக உள்ள பணத்தை சேர்த்துவைப்பதாகும்.அவ்வாறு சேமிக்கும் பணத்தை வருமானம் தரக்கூடிய  முறையில் மாற்றுவதே முதலீடு ஆகும்.முதலீடு வருமானம் ஈட்டுவதுடன் எதிர்காலத்தில் லாபம் தரக்கூடிய வகையிலும் இருக்க வேண்டும்.


முதலீட்டு முறைகள் 


முதலீட்டு முறையை தேர்ந்தெடுக்கும் முன் அந்த முதலீட்டின் முலம்  வருவாய் பணவீக்கத்தை விட அதிகமாக இருக்க வேண்டும் என்பது அடிப்படை விதி.

• வங்கியில் வைப்பு நிதி (Fixed Deposit)
• நிலம்
• தங்கம்
• பங்குச்சந்தை
• பரஸ்பர நிதி (Mutual Fund)

வங்கியில் வைப்பு நிதி (Fixed Deposit)

வங்கியில் முதலீட்டை ஒரு குறிப்பிட்ட காலத்திற்கு நிர்ணயிக்கபட்ட வட்டிவிகித்தில் முதலீடு செய்ய முடியும்.வங்கியில் செய்யபடும் முதலீடு பாதுகாப்பானதுடன்  நிச்சயமான வருவாய் முதலீடு  ஆகும்.வங்கியின் வட்டி நிலவரங்கள் இன்றைய நிலையில் ஒரு தெளிவில்லாமல் இருக்கிறது. ஏனென்றால் மத்திய வங்கி (Reserve Bank of India) வட்டி விகிதத்தை அடிக்கடி மாற்றுவதால் எல்லா வங்கிகளுமே ஒருவித குழப்பத்தில் இருப்பதால் இன்றைய நிலையில் வங்கியின் வட்டி விகிதம் ஒரு நிலை இல்லாத நிலை இல் இருக்கிறது. இன்றைய நிலையில் வங்கி வட்டி விகிதம் 7 முதல் 8 சதவீதம் வரை இருக்கிறது. 

நிலம்

 நிலத்தில் முதலீடு செய்வது அதிகப்படியான வருவாய் தருவதாக இருந்தாலும் நிரந்தரமானதாக கருதமுடியாது. விலை சில சமயங்களில் விண்ணைமுட்டுவதாக இருந்தாலும்  நிச்சயமாற்ற முதலீடு ஆகும். நிலத்தில்

முதலீடு செய்ய பெரிய தொகை தேவைப்படும் ஒரு குறைபாடு ஆகும்.

தங்கம்

தங்கம் என்பது இந்தியாவை பொறுத்த வரை அதிக தேவை (Demand) இருக்கும் ஒரு பொருள். இந்தியாவில் இருக்கும் ஒவொருவருக்கும் தம்மிடம் தங்கம் இருந்தால் அது மிகப்பெரிய சேமிப்பு என்று சொல்லும் அளவு மதிப்பான ஒரு பொருள் தங்கம்.

 தங்கத்தில் முதலீடு செய்ய தங்கக்கட்டிகளாகவும், Gold Exchange Traded Fund ஆகவும்,முன்பேர வர்த்தக சந்தைலும் ஈடுபடலாம்.தங்கத்தின் விலை உயர செல்லும் வாய்ப்பு உள்ளதால் இது ஒரு சிறந்த முதலீடு ஆகும்.

பங்குச்சந்தை 

ஒரு பங்குச் சந்தை என்பது ஒரு பொதுச் சந்தை அதில் நிறுவனங்களின் பங்கு மற்றும் தொடர்பான கூறுகள் ஏற்றுக்கொள்ளக்கூடிய விலையில் வர்த்தகம்  செய்யப்படும்;

பங்கு வர்த்தகத்தில் முதலீடு  செய்வது என்பது சந்தையின் போக்கை ஒத்தது.

முதலீடு  செய்வது நிச்சயமாற்ற முதலீடு ஆகும்.அதிகப்படியான ரிஸ்க எடுத்தால் வருமானம் எய்தலாம்.

பரஸ்பர நிதி 

பரஸ்பர நிதியானது தொழில் முறையாக நிர்வகிக்கப்படும் வகையான கூட்டு முதலீட்டு திட்டம் ஆகும், இது பல முதலீட்டாளர்களிடமிருந்து பணத்தை திரட்டி அதை பங்குகள், பத்திரங்கள், குறுகிய கால பணச்சந்தை ஆவணங்கள் மற்றும் /அல்லது பிற கடனீட்டு ஆவணங்களில் முதலீடு செய்கிறது..இந்த முதலீட்டின் மூலம் கிடைக்கும் லாபம் அல்லது நஷ்டத்தை முதலீட்டாளர்களுக்கு பகிர்ந்து அளிக்கப்படுகின்றன.

பரஸ்பர நிதியில் செயப்படும் முதலீடுயும் சந்தையின் அபாயங்களுக்கு உட்பட்டது. பரஸ்பர நிதி முதலீடுயும்  ஒரு நிச்சயமாற்ற முதலீடு ஆகும்.